सोलापूर | हॅलो रिपोर्टर न्यूज | निवडणूक विशेष वृत्तांकन डॉ. राजदत्त रासोलगीकर:
सोलापूर जिल्हा परिषद व पंचायत समिती सार्वत्रिक निवडणूक – 2026 अंतर्गत आज सकाळी 7.30 वाजल्यापासून शांततेत मतदानास सुरुवात झाली. जिल्ह्यातील सर्व मतदान केंद्रांवरील मतदानाचा दर दोन तासांनी अहवाल प्रशासनाकडून जाहीर करण्यात आला आहे.
सकाळी 7.30 ते 9.30, 9.30 ते 11.30 आणि 11.30 ते दुपारी 1.30 या कालावधीत मिळालेल्या अहवालानुसार ग्रामीण भागात मतदारांचा उत्स्फूर्त प्रतिसाद पाहायला मिळत आहे. अनेक मतदान केंद्रांवर सकाळपासूनच रांगा लागल्याचे चित्र दिसून आले.
सोबत दिलेल्या यादीनुसार प्रत्येक मतदान केंद्रावरील मतदानाची टक्केवारी स्वतंत्रपणे नोंदवण्यात आली असून, काही ठिकाणी मागील निवडणुकीच्या तुलनेत मतदानात वाढ झाल्याचे निदर्शनास आले आहे. महिला, ज्येष्ठ नागरिक तसेच पहिल्यांदाच मतदान करणाऱ्या तरुणांचा सहभाग लक्षणीय असल्याचे प्रशासनाने सांगितले.
निवडणूक प्रक्रिया सुरळीत पार पडावी यासाठी पोलीस प्रशासनाकडून चोख बंदोबस्त ठेवण्यात आला असून, कोणताही अनुचित प्रकार घडू नये यासाठी सतत नजर ठेवली जात आहे. उर्वरित वेळेत मतदानाचा वेग आणखी वाढण्याची शक्यता वर्तवण्यात येत आहे.
दुपारनंतरचा पुढील मतदान अहवाल प्रशासनाकडून वेळोवेळी जाहीर करण्यात येणार आहे.
0 Comments