नवी दिल्ली (हॅलो रिपोर्टर न्यूज ):— पंतप्रधान नरेंद्र मोदी यांनी रशियाचे अध्यक्ष व्लादिमिर पुतिन यांचे भारत आगमनावेळी स्वतः उपस्थित राहून औपचारिक स्वागत केले. विशेष प्रोटोकॉलसह करण्यात आलेल्या या स्वागतादरम्यान दोन्ही नेत्यांनी एकमेकांशी संवाद साधत मैत्रीपूर्ण नात्याची पुनरुज्जीवित पुष्टी केली.
यावेळी पंतप्रधान मोदी म्हणाले की, भारत-रशिया मैत्री वेळेच्या कसोटीवर नेहमीच खरी उतरली आहे. दोन्ही देशांमधील धोरणात्मक सहकार्यामुळे संरक्षण, तंत्रज्ञान, ऊर्जा, अवकाश संशोधन आणि व्यापार क्षेत्रात मोठी प्रगती झाली आहे. या द्विपक्षीय सहकार्याचा थेट फायदा दोन्ही देशांच्या नागरिकांना होत असल्याचेही त्यांनी सांगितले.
या दौर्यात विविध करारांवर स्वाक्षऱ्या होण्याची तसेच व्यापार व संरक्षण क्षेत्रातील सहकार्य अधिक विस्तारण्याची शक्यता व्यक्त केली जात आहे. भारत-रशिया भागीदारी नव्या उंचीवर नेण्यासाठी ही भेट अत्यंत महत्त्वाची ठरणार आहे.
0 Comments